Plantun de Prouvènço

Pèr coumpara dos planto d'encò nostre

Cuscuta approximata & Centranthus lecoqii

Péu-de-lin(-di-sepalo-lusènto)

Cuscuta approximata

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute approximative.

Descripcioun :
Lou péu-de-lin-di-sepalo-lusènto, pulèu rare, douno d'èr à Cuscuta epithymum, pamens la planto èi pu forto amé de flour blanco. Se n'en destrìo subretout que si sepalo soun lusènto e ounte se vèi de costo reticulado (fotò); la subsp. de Prouvènço ié dison approximata.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 5 à 9 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Relarg à jóuinis aubret
Estànci : Subremediterran à Mountagnard
Couroulougi : Paleoutemperado
Ref. sc. : Cuscuta approximata Bab., 1844

Pan-couguiéu(-de-Lecoq)

Centranthus lecoqii

Caprifoliaceae Valerianaceae

Nom en français : Centranthe de Lecoq.

Descripcioun :
Aquéu pan-cougiéu, que trachis dins lis esboudèu de colo e basso mountagno, sèmblo proun au pan-cougiéu coumun. Se n'en destrìo pamens qu'a li fueio mens larjo e mai claro. Ero, à passa tèms, counfoundu emé un autre pan-cougiéu, aquéu di-fueio-estrecho. Pèr acò, fau regarda lou noumbre d'entre-nous, aqui n'i'a mai de 10. Coumpara emé lou pan-cougiéu o emé lou pan-cougiéu-di-fuei-estrecho.

Usanço :
A bessai li mémis usanço que lou pan-cougiéu coumun.

Port : Grando erbo
Taio : 15 à 100 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Centranthus
Famiho : Caprifoliaceae
Famiho classico : Valerianaceae

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Esboudèu - Roucaio - Basso mountagno - Colo
Estànci : Mesoumediterran à Subremediterran
Couroulougi : Pancaro entresigna
Ref. sc. : Centranthus lecoqii Jord., 1852

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta approximata & Centranthus lecoqii

ges

Coumpara Péu-de-lin(-di-sepalo-lusènto) emé uno autro planto

Coumpara Pan-couguiéu(-de-Lecoq) emé uno autro planto